الله ئوزون حفظ ایله جهانه باهالخدان
حفظ ایله ئوزون خردو كلانه باهالخدان
بوبرهه ده انصاف ومروت ویجه گلمز
ایمان ازالیپ یوخدو یالانه با هالخدان
افسوس حقیقت اوزونه چكدیلر پرده
ایمانه اولان قلبلره گتدیلر درده
هر یركه گونش اولدو قوروت سردیلر اوردا
هی زالو گیمین سوردولر قانه باهالخدان
فرلانده عومور اهیله افغانیله گدی
یغده بركت سفره سین احسانیله گدی
مال غارت اولوپ اوغرو دایرقانیله گدی
گتدی اپاروپ شرم وحیانی باهالخدان
چوخ چوخ سوروخ گونده بیزه هی گله مهمان
مهمان گله خوشحال اولار مردم ایران
اما باهالوخ جامعه نی ایله ده بحران
خلق انده باسیر باغرا سوغانه باهالوخدان
امكان اولا ای كاش قیده بیرده اوجوزلوخ
مردم شاد اولا ایلیه عمرون اونا قللخ
بوشرطیله كه باشلامیا بیرده فضوللوخ
تا توتمویالار شیشه یه قانین باهالوخدان
افسوس گچن گونلریمیز بیرده قیتمز
حرمت كه سینیب خلق اولوب افسرده قیتمز
عرض ایلیرم بوسوزو بی پرده قیتمز
گنده چكیلیب دونیای فانی باهالخدان
هی گونده دیدوخ مردم ایران دوشوننده
حق بنده سی ده حق سوزون هریاندا دینده
گوردوخ باباجان داش قوتاریپ قوزدا توكنده
دیبدن قورویوب نطق وبیانه باهالخدان
بواولكه ده دای دین وشریعت ویجه گلمز
ایمان قوجالیب دای قوجا ایمان گوجه گلمز
یوخدور سوروشان ای بابا صابر نجه گلمز
عقلون لاپ ازیپ یازما یالان باهالخدان
مـــوضـوع :
اشعار تركی
*** :
به این مطلب رای دهید
