ADS
###
تئودور روزولت: کسی که هرگز به مدرسه نرفته است، ممکن است از واگن باری سرقت کند، اما اگر او دارای تحصیلات دانشگاهی باشد، ممکن است همه راه آهن را سرقت کند.
بـؤلوم لـر
دوستان
###
لینکستان
نظر سنجی
امكانات جانبی

ای اوشاقلارقدیم بیزیم كندین                 هله سئل یخما میشدی آرخ بندین

كتلی لر سوایچینده اویناردی                  آغ بلاق جوشلاناردی قایناردی  

سویوباشدان الینمامیشدی چوله              سوگلیب كتده دوز دولاردی گوله

بانك لارپول نزوله ویرمزدی                   كندین ااهلی نزوله گیرمزدی

بیری كنده ریانی   بیلمزدی                     پولو.سودی ربانی بیلمزدی

نزول اوندا حرامیدیر كنده                       خالق صاحب مرامیدیر كنده

بانك تك هئچ نزول یمزدیك بیز                 نزولا كارمزد دیمزدیك بیز

خلقه خاطر نماز قیلمازدیق                     بیرینه تازیانه ویرمازدیق

بیری یوخسول گورنده گولمزدی               اوندا خالق پول شوئی بیلمزدی

بیری كنده یخیلسا قویمازدیق                   نوخوشون جیبلرینی سویمازدیق

بیر حلال وحرامیمیز واریدی                   خالق ارا احترامی میز واریدی

اوندا بهداریلر پول المازدی                     مریضی مین بلایه سالمازدی

نوخوش اولسایدی تئزقاچیرداردیق            اونو پول توكمه میش یاتیرداردیق

دكتر هئچ خالقا فرق قویمازدی                 جیبلرین اول الده سویمازدی

اوندا رحم هامینین قانیندایدی                   پوللودا پول سوزون یانیندایدی

اونداكه هئچ تجملات یوخودو                   اوندا دلخوشلوق ایندیدن چوخودو

اوغرولاركند ایچینده گزمزدی                   بورك قویوب اغ لباس گیمزدی

باهالیق ایتدی قدی عنبر چه                     سربازا كیم ویرردی دفترچه

بونو اغشام اولونجا دولدوراسان               خالق بدبخته قان اوتوزدوراسان

اوغرولار بیسوادیدیر ساده                       ایندی افسردی گردنه جاده

اوغرو بد بختیدیر قدیمده سادا                   ایندیلر آغ گیئر دورور جادادا

بوینونا فیشقراق سالمازدی                     خالقا یوزمین جریمه یازمازدی

جادادا افسر ایست اوزاتمازی                  اوزلرین مفته مفته ساتمازدی

اوغرولوخ گئچمه میشدی میزدالینا            رشوه لر هدیه آد.قویا آدینا

ایكی اوزلو دگیلدی ملتیمیز                      واریدی قونشولاردا عزتیمیز

اوندا مسئول یالان دانیشمازدی                 رممالا فالچیا قاریشمازدی

كنده والله یالانچی لیق یوخودو                  دوزودوك اعتقادی میز چوخودو          

اختلاس اوندا حدن اشمازدی                  اوغرولار ایری كنده قاشمازدی

اوغرولوق مد ده گیلدی ایراندا                ایندی دای رسم اولوبدو هر یاندا

شهردار اوندا خالقی سویمازدی               كوچویه پاركبان .قویمازدی

اوندالاركه عقیده میز چوخودو                 كنده شیطان پرست میز یوخودو

اوندا اوغلان قاشین گوتورمزدی              پولدا تاپسا اوزون ایتیرمزدی

اوندا قیزلاردا قورد بزنمزدی                   شولا ویل كوچه ده گزنمزدی

اعتیاد مود دگیلدی ایراندا                       تریاكی كیم چئكردی قلیاندا

هئچ اوغول اوندا رپ بزنمزدیر                كوچه ده قیز كیمین گزنمزدیر

نه بیزیم كنده یدی همسایه                      فقریدن دوشمه میشدی فحشایه

قان پولون ازدواجدا المازدیق                 نچه مین سكه مهره سالمازدیق

قاراگون خالقی چولقا مازدی قدیم             قیزقالیب ائوده تورشا مازدی قدیم

بیربئله بورجا خرجه دوشمزدیك               ائوساتیب بیز جاهازه وئرمزدیك

اوندا هركنده اللی شاه یوخودو                 اوندا زنداندا بی گناه یوخودو

اوندا بیرخان واریدی بیر خانچا                خان اوزو آت مینردی بئی دایچا

كنده قیز گورمه میشدی لنز ندیر               چوخوهاردان بیلیردی بنزندیر

روضیه بئش قران الاردیق بیز                 آغلادیب ولوله سالاردیق بیز

دسته ده دایرا .زورنا چالمازدیق               روضیه یئرمی میلیون آلمازدیق

الان ایشلر اولوب بوتون ترسه                خالق گلیر روضیه ویرا پرسه

نفت پولون كند ایچینده پایلاردیق               كنده كیم چپ باخایدی هایلاردیق

اوندالار روزگاریمیز خوشودو                 هانسی بد بخت جوان الی بوشودو

الی بوش حدیدن چیخیبدی الان                 قارگون ائولری یخیبدی الان

ائوله نم میرجوانلار ایندی نی یه؟            آخی ارواد پول ایستیر ائوده ییه

اودو فحشاچیخیب شماریشدن                  دوتسان آمار چوخدو خاریشدن

اودور الله كرامتین گوتوروب                   خلقی اوز باشینه بوجور ائوتوروب

آی اوشاقلار زامان یامان چوندور            دای عدالت چراغلاری سوندور

جهل بیرگون اوكنده یول تاپدی                  آتینی میندی محله ده چاپدی

خالقی اللاتدی یقدی ائوزباشینا                 مین بزه ك ویردی هم گوزه .قاشینا

چوخلاری گوردو جهل میندی آتا               ایستی یئراورتانی او كنده قاتا

عقل اولانلار بوتون چیخیب قاشدی            یوكونو دوتدو دونگه دن اشدی

او.قالان قالدی جهلین ائوجوندا                 ال آیاق چالدی بانك بورجوندا

ویرمادی كیمسه بندی .بندیمیزه                 آفتافا گوتدو جهل كندیمیزه

 




مـــوضـوع : اشعار تركی
*** :
به این مطلب رای دهید
نویسنده : فرشاد
تاریخ : 1391/5/6
نظر سنجی
درباره ما
پشتیبانی
صفحات
آرشیو مطالب
ســایغاج
امكانات جانبی