اسلایدر

سنین وارلیغیوا او قدر آلیشمیشیق كی سنین اولماماغین عاغلیمیزدا سیغا بیلمه ییر. بیز حایاتیمیزین سندن آختیغینی تازا بیلمیشیق. سنین بیزه آنا اولدوغونو تازا اؤیرنمیشیق. دئمك عؤمروموز سنه باغلییمیش. سن اولماسان بیزده یوخ اولاریق. ایندی ، اؤز اوشاقلاریوین گؤزلری اؤنونده سوزسوزلوقدان چابالایب جان وئرمكده سن!بونا نئجه دؤزمك اولار. دؤزه بیلمه دیم منده. نه الیمدن گله بیلر كی؟ سنه بیر بارداق سو گتیریردیم. یولومو كسدیلر، یولو باغلادیلار، سنه چاتا بیلمه دیم، بارداغی آلیب سیندیردیلار. دئمك سنه سو وئرمك یاساق ایمیش. مگر بورا كربلایمیش دئمك! باغیشلا منی دنیزیم، گؤز یاشلاریمدان باشقا بیر شئی سنه سونا بیلمه دیم!